স্কুলত কোনোবাই গুণ্ডাগিৰি কৰিলে মই কি কৰিব পাৰোঁ?

ইয়াৰ বিষয়ে জনা কিয় গুৰুত্বপূৰ্ণ

Add caption

আপুনি যি কৰিব, তাৰদ্বাৰা পৰিস্থিতি ভালো হ’ব পাৰে বা বেয়াও হ’ব পাৰে।

আপুনি কি কৰিব?

কল্পনা কৰক: ৰবিয়ে আজি স্কুললৈ যাবলৈ বিচৰা নাই। আনকি আগলৈও নাযাওঁ বুলি কৈছে। প্ৰায় তিনিমাহৰ আগতে কেইজনমান সহপাঠীয়ে তেওঁৰ বিষয়ে কিছুমান উৰা-বাতৰি প্ৰচাৰ কৰাৰ পাছৰেপৰা, তেওঁ এনেদৰে কৰিবলৈ আৰম্ভ কৰিছে। ইয়াৰ পাছত তেওঁলোকে ৰবিক বেলেগ বেলেগ নাম দি জোকাবলৈ ধৰিছে। কেতিয়াবা কেতিয়াবা ৰবিৰ হাতৰপৰা কিতাপ পেলাই দিয়ে আৰু ভুলতে হৈ গ’ল বুলি কয়। কিছুমান ল’ৰাই ৰবিক পাছফালৰপৰা ঠেলা মাৰে। কিন্তু যেতিয়ালৈকে তেওঁ ঘূৰি চাই, পাছফালে কাকো দেখা নাপায়। কিন্তু যোৱা কালি যি হ’ল, সেয়া সীমাৰ বাহিৰত আছিল। কোনোবাই ৰবিক ইন্টাৰনেটৰ যোগেদি ধমকি দিছে . . .

যদি আপুনি ৰবিৰ ঠাইত হোৱাহেঁতেন, আপুনি কি কৰিলেহেঁতেন?

ক্ষন্তেক ৰওক আৰু চিন্তা কৰক!

আপুনি নিজকে দুৰ্বল বুলি নাভাবিব। কাজিয়া নকৰাকৈ আপুনি গুণ্ডাগিৰি কৰা ব্যক্তিৰ বিৰুদ্ধে থিয় দিব পাৰিব। কেনেকৈ বাৰু?

•  কোনো প্ৰতিক্ৰিয়া নকৰিব। পবিত্ৰ শাস্ত্ৰই বৰ্ণনা কৰিছে: “অজ্ঞান লোকে নিজৰ আটাই ক্ৰোধ প্ৰকাশ কৰে; কিন্তু জ্ঞানৱানে তাক দমন কৰি ক্ষান্ত কৰে।” (হিতোপদেশ ২৯:১১) যদি আপুনি যিমান পাৰে সিমান ক্ষান্ত হৈ থাকে, তেনেহ’লে গুণ্ডাগিৰি কৰাজনে আপোনাক আমনি কৰিবলৈ লাহে লাহে এৰি দিব।
• প্ৰতিশোধ নল’ব। পবিত্ৰ শাস্ত্ৰই বৰ্ণনা কৰিছে: “অপকাৰৰ সলনি কাৰো অপকাৰ নকৰিবা।” (ৰোমীয়া ১২:১৭) প্ৰতিশোধ ল’বলৈ চেষ্টা কৰিলে পৰিস্থিতি আৰু বেয়ালৈ ঢাল খাব।
• সমস্যাক মাতি নানিব। পবিত্ৰ শাস্ত্ৰই বৰ্ণনা কৰিছে: “বিবেচক লোকে আপদ দেখি নিজকে লুকুৱায়; কিন্তু নিৰ্ব্বোধে আগলৈ গৈ দুখত পৰে।” (হিতোপদেশ ২২:৩) যিমান সম্ভৱ হয় সমস্যা সৃষ্টি কৰিব পৰা লোকৰপৰা আঁতৰি থাকক আৰু সমস্যা সৃষ্টি কৰিব পৰা পৰিস্থিতিৰপৰা দূৰৈত থাকক।
• এনে কাৰ্য্য কৰক যি তেওঁলোকে আশা কৰা নাই। পবিত্ৰ শাস্ত্ৰই বৰ্ণনা কৰিছে: “মৃদু উত্তৰে ক্ৰোধ ক্ষান্ত কৰে।” (হিতোপদেশ ১৫:১) তেওঁলোকৰ কথা হাঁহিত উৰুৱাই দিয়ক। উদাহৰণস্বৰূপে, যদি আপোনাক কোনোবাই শকত বুলি কয়, তেনেহ’লে আপুনি এইদৰে উত্তৰ দিব পাৰে, “কেই কেজিমান কম কৰিলে হ’বনে?”
• তাৰপৰা আঁতৰি আহক। ১৯ বছৰীয়া নোৰাই এইদৰে কয়, “যেতিয়া মনে মনে থাকে তেতিয়া আপুনি পৰিপক্ক আৰু অত্যাচাৰ কৰা ব্যক্তিজনতকৈয়ো শক্তিশালী বুলি পৰিচয় দিয়ে। এনে কৰিলে আপোনাৰ আত্মসংযম আছে, কিন্তু গুণ্ডাগিৰি কৰা ব্যক্তিজনৰ আত্মসংযম নাই বুলি প্ৰকাশ কৰিব।”—২ তীমথিয় ২:২৪.
• নিজৰ আত্মবিশ্বাস বঢ়াওক। সাধাৰণতে গুণ্ডাগিৰি কৰা সকলে, ভয়াতুৰ আৰু ওলোটাই নোকোৱা লোকক সহজে চিনাক্ত কৰিব পাৰে। কিন্তু যদি আপুনি তেওঁলোকৰ প্ৰভাৱত পৰা নাই বুলি উমান দিয়ে, তেনেহ’লে গুণ্ডাগিৰি কৰা সকলে আপোনাক হাৰাশাস্তি কৰিবলৈ এৰি দিব।
• কাৰোবাক কওক। আগতে স্কুলত পঢ়োৱা এগৰাকী শিক্ষয়িত্ৰীয়ে এইদৰে কয়, “যেতিয়া কোনো ছাত্ৰই গুণ্ডাগিৰি কৰা ল’ৰাৰ কবলত পৰে, মই কওঁ যে এই বিষয়ে তেওঁলোকে কাৰোবাক কোৱা উচিত। এইদৰে কৰিলে আন আন ছাত্ৰ-ছাত্ৰীসকলেও, গুণ্ডাগিৰি কৰা সকলৰপৰা ৰক্ষা পৰিব।”

Add caption

যদি আপোনাৰ ওচৰত আত্মবিশ্বাস আছে, তেনেহ’লে আপুনি গুণ্ডাগিৰি কৰা সকলতকৈয়ো শক্তিশালী

আপুনি জানেনে?

মাৰ-ধৰ কৰাৰ উপৰিও গুণ্ডাগিৰিত জড়িত আছে:

• 

  কটুবাক্য ব্যৱহাৰ কৰা। “মোক যি নামেৰে তেওঁলোকে মাতিছিল আৰু যি কথাবিলাক কৈছিল, তাক মই কেতিয়াও পাহৰিব নোৱাৰোঁ। মোৰ এনে অনুভৱ হ’বলৈ ধৰিছিল যেন মই কোনো কামৰ যোগ্য নহওঁ, মোৰ কোনো প্ৰয়োজন নাই আৰু মই জীৱনত একো কৰিব নোৱাৰিম। তেওঁলোকে মোক মাৰি পেলালেই ভাল আছিল!”—চেলীন, ২০ বছৰ।

• 

  অকলশৰীয়াকৈ এৰি দিয়া। “মোৰ সহপাঠীসকলে মোৰ সংগ এৰিবলৈ ধৰিলে। লাঞ্চৰ বাবে তেওঁলোকে এনেদৰে বহিছিল যে মোৰ বাবে কোনো ঠাই নাথাকে। গোটেই বছৰজুৰি মই কান্দিছিলোঁ আৰু অকলশৰীয়াকৈ লাঞ্চ কৰিছিলোঁ।”—হেলী, ১৮ বছৰ।

• 

  ইন্টাৰনেটৰ যোগেদি হাৰাশাস্তি কৰা। “কাৰোবাৰ ভাল নামৰ ওপৰত কলংক আনিবলৈ বা কাৰোবাৰ জীৱন শেষ কৰিবলৈ কম্পিউটাৰৰ কেইটামান বুতামত হেঁচা দিলেই হ’ল। আপুনি হয়তো ভাবিব পাৰে মই কিবা বেছিকৈ কৈছোঁ, কিন্তু এইদৰে হ’ব পাৰে।”—দানিয়েল, ১৪ বছৰ।

আপোনাৰ উত্তৰ কি হ’ব?

শুদ্ধ নে অশুদ্ধ	উত্তৰ
১ প্ৰাচীন সময়ৰেপৰা গুণ্ডাগিৰি হৈছিল।	১ শুদ্ধ। উদাহৰণস্বৰূপে, পবিত্ৰ শাস্ত্ৰই নাফিলবিলাকৰ বিষয়ে বৰ্ণনা কৰিছে। এই নাফিলবিলাকে আন লোকসকলক তাড়না কৰিছিল।—আদিপুস্তক ৬:৪.
২ গুণ্ডাগিৰি কৰা সকলে বেছি নহয়, অলপহে ক্ষতি কৰে।	২ অশুদ্ধ। গুণ্ডাগিৰি কৰা সকলৰ বাবে বহুতো কিশোৰ-কিশোৰীয়ে আত্মহত্যা কৰে।
৩ তেওঁলোকৰ কাৰ্য্য বন্ধ কৰাৰ এটাই উপায় হৈছে, তেওঁলোকৰ বিৰুদ্ধে থিয় দিয়া।	৩ অশুদ্ধ। গুণ্ডাগিৰি কৰা সকল সাধাৰণতে ওখ-ডাঙৰ হয়। তেওঁলোকৰ বিৰোধ কৰিলে কোনো লাভ নহ’ব।
৪ যদি আপোনাৰ আগত কাৰোবাক হাৰাশাস্তি কৰা হৈছে, তেনেহ’লে আওকাণ কৰা উচিত।	৪ অশুদ্ধ। দেখিও নেদেখাৰ ভাও ধৰা পাপ হয়। যদি আপুনি কাৰোবাক হাৰাশাস্তি কৰা দেখে আৰু একো নকয়, তেনেহ’লে বেছিহে সমস্যা হ’ব।
৫ তেওঁলোকে গৰ্বেৰে কথা কয়, কিন্তু ভিতৰৰপৰা অসুৰক্ষিত অনুভৱ কৰে।	৫ শুদ্ধ। গুণ্ডাগিৰি কৰা কিছুমানে গৰ্ব কৰিব পাৰে, কিন্তু তেওঁলোকৰ আত্মবিশ্বাস নাই। আনক দমন কৰাৰ দ্বাৰা নিজে আনন্দিত হয়।
৬ গুণ্ডাগিৰি কৰা সকলে পৰিৱৰ্তন হ’ব পাৰে।	৬ শুদ্ধ। সহায় কৰিলে তেওঁলোকৰ চিন্তা-ভাৱনা সলনি কৰিব পাৰি।

আপোনাৰ পৰিকল্পনা

• যদি মই গুণ্ডাগিৰি কৰা লোকৰ সন্মুখীন হওঁ, তেনেহ’লে মই কি ক’ব পাৰোঁ বা কি কৰিব পাৰোঁ?